ప్రెస్ నోట్స్

వైకుంఠధామలను త్వరితగతిన పూర్తి చేయాలని జిల్లా కలెక్టరు డాక్టర్ ఎ.శరత్, ఐ.ఏ.ఎస్ గారు, పంచాయితీ రాజ్ అధికారులను ఆదేశించారు.శుక్రవారం నాడు అనగా 26-02-2021 జనహిత భవన్లో ఆర్డిఓ లు, పంచాయితీ రాజ్ ఇంజనీర్లతో వైకుంఠధామం పనులను మండలాల వారీగా సమీక్షించారు. ఈ సందర్బంగా ఆయన మాట్లాడుతూ వైకుంఠధామాలలో మిగిలిన లక్ష్యాన్ని వెంటనే పూర్తి అయ్యేలా క్షేత్రస్థాయిలో ఎఇ, డిఇ లు పర్యవేక్షించాలని ఆదేశించారు. డబుల్ బెడ్రూమ్ పనులను ఎప్పటికప్పుడు రికార్డు చేయాలనీ వచ్చే పదవ తేదీలో ఎఫ్టిఓ జనరేట్ పనులు పూర్తి చేయాలనీ ఆదేశించారు.

2021-22 విద్యా సంవత్సరంనకు హైదరాబాద్ పబ్లిక్ స్కూల్ (బేగంపేట్, రామంతాపూర్) నందు 1వ తరగతి ఇంగ్లిషు మీడియం నందు మాత్రమే ప్రవేశమునకై షెడ్యూల్డ్ తెగ వారు (ST) (4) బాలురు / (2) బాలికలకు మొత్తం ఆరు సీట్లకు గాను దరఖాస్తులు కోరబడుచున్నవి.

దరఖాస్తు ఫారములు జిల్లా గిరిజన అభివృద్ధి అధికారి కార్యాలయము , కామారెడ్డి నుండి ఉచితంగా పొందవచ్చును.

జిల్లాలో ఆయిల్ ఫామ్ సాగుపై జిల్లా వ్యవసాయ , ఉద్యానవన అధికారులతో విశ్వ ఆగ్రోటెక్ సంస్థ ప్రతినిధులు గురువారం  అనగా 25-02-2021 నాడు జిల్లా కలెక్టరు డాక్టర్ ఎ.శరత్, ఐ.ఏ.ఎస్ గారిని కలిసి జిల్లాలో తాము చేపట్టే ఆయిల్ ఫామ్ పై వివరించారు.

ఈ నెల 26 లోగా కస్టమ్ మిల్లింగ్ రైస్ పూర్తి చేయాలనీ జిల్లా కలెక్టరు డాక్టర్ ఎ శరత్, ఐ.ఏ.ఎస్ గారు  రైస్ మిల్లర్లను ఆదేశించారు.

తెలంగాణ రాష్ట్ర ప్రభుత్వ విపత్తుల శాఖ ద్వారా ప్రచురితమైన పిడుగుపాటుపై జాగ్రత్తలు , పిడుగుపాటు సంకేతాలు , పిడుగులు పడే ప్రదేశాలు , ఆ సమయంలో తీసుకోవాల్సిన జాగ్రత్తలు చేయకూడని పనులను తెలియచేసే పోస్టర్లను , అలాగే రాష్ట్రంలోని ప్రాంతాల వాతావరణ వివరాలను తెలియచేసే తెలంగాణ రాష్ట్ర అభివృద్ధి ప్రణాళిక సొసైటీ వారి ఆధ్వర్యంలో రూపొందించిన TS-weather mobile app పోస్టర్లను జిల్లా కలెక్టరు డాక్టర్ ఎ.శరత్, ఐ.ఏ.ఎస్ గారు తన ఛాంబర్ లో విడుదల చేశారు.

వివిధ పథకాల ఋణ మంజూరీలో బ్యాంకర్లు ప్రభుత్వ లక్ష్యాలను నెరవేర్చాలని జిల్లా కలెక్టరు డాక్టర్ ఎ.శరత్, ఐ.ఎ.ఎస్ గారు బ్యాంకర్లకు సూచించారు.జనహిత భవన్లో వివిధ బ్యాంక్ మేనేజర్లు , వ్యవసాయ , గ్రామీణ , మున్సిపల్ అధికారులతో జిల్లా కోఆర్డినేట్ కమిటీ సమావేశంలో వివిధ ఋణాల ప్రగతిని జిల్లా కలెక్టరు సమీక్షించారు.

డ్రైవింగ్ కోర్సు నేర్చుకోవటానికి మరియు ప్రోఫెషనల్ ఉమెన్ క్యాబ్ డ్రైవర్లుగా మారడానికి సిద్ధంగా ఉన్న అన్ని వర్గాల మహిళల నుండి దరఖాస్తులను పిలవాలని కమిషనర్, మహిళాభివృద్ది మరియు శిశు సంక్షేమ శాఖ , హైదరాబాద్ గారు ఆదేశించారు.దరఖాస్తు సమర్పించడానికి చివరి తేదీ 27-02-2021.

జిల్లాలో పండే పంటలు , ఉత్పత్తులను ఎగుమతి చేసేందుకు కావలసిన మౌళిక వసతులను గుర్తించాలని అధికారులకు జిల్లా కలెక్టరు డాక్టర్ ఎ.శరత్, ఐ.ఎ.ఎస్ గారు సూచించారు.

నిజాంసాగర్ మండలం మహమ్మద్ నగర్ లో సోమవారం అనగా 22-02-2021 నాడు గ్రామ పంచాయతీ భవనం, రైతు వేదిక , సహకార సంఘం అదనపు గదులకు రాష్ట్ర రోడ్లు భవనాలు, గృహ నిర్మాణ, అసెంబ్లీ వ్యవహారాల శాఖ మంత్రి వేముల ప్రశాంత్ రెడ్డి గారు ప్రారంభోత్సవం చేశారు.కార్యక్రమంలో జుక్కల్ ఎమ్మెల్యే హనుమంత్ షిండే గారు , జిల్లా పరిషత్ చైర్ పర్సన్ శ్రీమతి శోభారాజు గారు , ప్రజా ప్రతినిధులు, అధికారులు పాల్గొన్నారు.

ఈ నెల మంగళవారం అనగా 23-02-2021 నాడు ఉదయం 11 గంటలకు శ్రీ. సంత్ సేవాలాల్ మహారాజ్ గారి 282 వ జన్మదిన వేడుకలు కామారెడ్డి పట్టణం సిరిసిల్లరోడ్డులో గల కెవిఎస్ గార్డెన్స్లో నిర్వహించడం జరుగుతుందని జిల్లా పరిషత్ ముఖ్య కార్యనిర్వహణ అధికారి బి.చందర్ ఒక ప్రకటనలో తెలిపారు.

ఈ నెల అనగా 21-02-2021  ఆదివారం నాడు రాష్ట్ర వ్యవసాయ , సహకార , మార్కెటింగ్ శాఖల మంత్రి ఎస్ నిరంజన్ రెడ్డి జుక్కల్ నియోజక వర్గంలో పర్యటిస్తారని జిల్లా కలెక్టరు డాక్టర్ ఎ.శరత్, ఐ.ఎ.ఎస్ గారు నేడొక ప్రకటనలో తెలిపారు.

జిల్లా ప్రజా పరిషత్ స్థాయి సంగం సమావేశాలు 25.02.2021 నుండి 27.02.2021 వరకు జిల్లా ప్రజ పరిషత్ సమావేశ హాల్ లో జరుగుతాయి, అధికారులకు మరియు గౌరవనీయ సభ్యులు హాజరు అవుతారు.